Oğuz rayonunun Yaqublu və Yenikənd kəndlərində ev quşları kütləvi tələf olub, sakinlərə maddi ziyan dəyib.

"Far.Az"un Şimal-qərb bürosunun məlumatına görə, quşlar arasında təlafat noyabr ayının sonundan etibarən başlayıb və bir həftə müddətində adıçəkilən kəndlərin əksər ərazilərində yayılıb.

Axşam yemlədikləri toyuq-cücəni səhər tələf olmuş vəziyyətdə aşkar edən sakinlərin əksəriyyətinə 1500 - 2 min manat dəyərində maddi ziyan dəyib. Anidən xəstəliyə tutulan ev quşlarına bəzi dərmanlar verilsə də, kütləvi tələfat hallarının qarşısını almaq mümkün olmayıb. Zərərçəkənlər bildiriblər ki, belə halla ilk dəfədir qarşılaşırlar.

Məsələyə dair Qida Təhlükəsizliyi Agentliyindən (AQTA) bildirilib ki, hazırda quşların təlafatı ilə bağlı araşdırmalar aparılır.

Qeyd edək ki, Oğuz rayonunun Yaqublu və Yenikənd kəndlərində 2 mindən çox toyuq, 1000-ə yaxın hindquşu və 100-ə qədər qaz hələ ki bilinməyən xəstəlikdən tələf olub.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xidmət rəisi: Azərbaycan ərazisindən köçəri quşların ən böyük miqrasiya yollarından biri keçir

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Azərbaycanın Özbəkistanla ticarət dövriyyəsinin dəyəri 13 ilin maksimumuna çatıb