Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin builki fəaliyyəti beynəlxalq səviyyədə yüksək qiymətləndirilib.

"Report" xəbər verir ki, Dövlət Xidməti bu il dünyanın ən nüfuzlu beynəlxalq müsabiqələrində 21 mükafata layiq görülüb.

Onlardan 8-i ABŞ-də, 12-si Böyük Britaniyada, 1-i isə Sinqapurda keçirilən beynəlxalq müsabiqələrdə əldə edilib.

Xidmət əmək münasibətləri və bu sahədə rəqəmsallaşma, korporativ sosial məsuliyyət, “DOST Müfəttiş” layihəsi, “yaşıl həllər”i dəstəkləyən fəaliyyət və təşəbbüslər, maarifləndirici videoçarxların hazırlanması və digər istiqamətlər üzrə fərqlənə bilib.

Qeyd edək ki, bu il Xidmət təkcə beynəlxalq deyil, eyni zamanda milli müsabiqədə də fərqlənib. Belə ki, Azərbaycan Sənaye Təhlükəsizliyi Assosiasiyasının “HSE Awards 2024” müsabiqəsində Xidmət “İlin Sağlamlıq, Təhlükəsizlik və Ətraf Mühit İnnovatorları" nominasiyası üzrə qalib seçilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Dövlət Əmək Müfəttişliyi Xidməti Böyük Britaniyada keçirilən müsabiqədə mükafata layiq görülüb