Kanadada Baş nazir Castin Trüdonun hakim Liberal Partiyasının sədrliyindən istefası məsələsi müzakirə ediləcək.

“Far.Az” CTV telekanalına istinadən xəbər verir ki, hakim partiyanın regional bölmələrinin sədrləri bu barədə fikir mübadiləsi aparacaqlar.

Qeyd olunub ki, məsələ bu gün video formatda müzakirə olunacaq. İclasın nəticələrinə əsasən ümumpartiya qurultayının çağırılması istisna edilmir.

Milad bayramı günlərində partiyanın ən azı beş regional təşkilatının nümayəndələri oktyabrda keçiriləcək parlament seçkilərində Liberalları başqa bir namizədin təmsil edə bilməsi üçün Baş naziri bu siyasi qüvvənin lideri postunu tərk etməyə çağırıblar.

Qeyd edək ki, dekabrın 16-da Baş nazirin müavini və maliyyə naziri Kristia Friland Trüdo onu başqa vəzifəyə keçirmək qərarına gəldiyi üçün istefa verdiyini açıqlayıb. Həmin gün Mənzil, İnfrastruktur və İcmalar naziri Şon Freyzer hökumətdən istefa verdiyini açıqlayıb.

Bu, Baş nazirin kabinetinə nəzarət edə bilmədiyi üçün onun dərhal istefasını tələb edən müxalifətin və bir sıra ictimai xadimlərin tənqidinə səbəb olub. Üstəlik, bir neçə liberal deputat Trüdonun Kanada Liberal Partiyasının rəhbəri vəzifəsindən getməsinin lehinə çıxış edib.

Həmin axşam siyasətçi postunu tərk etmək fikrində olmadığını açıqlayıb. Dekabrın sonunda Kanada Yeni Demokratik Partiyasının lideri, əvvəllər Trüdoya sadiq olan Caqmet Sinq də söz vermişdi ki, onun partiyası 2025-ci ildə hökumətin istefasına səs verəcək.

Oxşar xəbərlər

Trüdonun partiyasından olan 50-dən çox deputat onun istefasını istəyib

Trüdo hökumətdə dəyişikliklər edəcək

Kanada Baş nazirinin müavini istefa verib

Kanadada müxalifət lideri Trüdonu devirməkdə israrlıdır

Bu gün dünya katolikləri Milad bayramını qeyd edir