Almaniyanın “Bavariya” klubu qapıçısı və kapitanı Manuel Noyerlə müqavilənin müddətinin uzadılması üzrə danışıqlara başlamağa hazırdır.

“Far.Az” xəbər verir ki, bu barədə insayder Fabritsio Romano sosial şəbəkədə bildirib.

Mənbənin məlumatına görə, müqavilə 2026-cı ilin iyun ayının sonuna qədər nəzərdə tutulub. Futbolçunun hazırkı müqaviləsi 2025-ci ilin iyun ayının sonunadək qüvvədədir.

Dekabrın 3-də Noyer Almaniya Kubokunun 1/8 final mərhələsində “Bayer 04”ə qarşı (0:1) matçda qabırğası sınıb. Bir ay sonra o, komanda ilə məşqlərə qayıdıb.

38 yaşlı Noyer cari mövsümdə münxenlilərin heyətində bütün turnirlərdə 19 matç keçirib, onlardan 12-sində qapısını toxunulmaz saxlayıb. Qapıçı 2011-ci ildən “Bavariya”da çıxış edir. Komanda ilə birlikdə o, 11 dəfə Almaniya çempionu, 5 dəfə Almaniya Kuboku sahibi və 2 dəfə Çempionlar Liqasının qalibi olub.

Oxşar xəbərlər

“Bavariya”nın kapitanı ciddi zədələnib

İnsayder Romano Ronaldunun PSJ-yə keçidi barədə məlumatı şərh edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

30 illiyini qeyd edən Azərbaycan enerjisinin ötən ilinə baxış

"Bavariya"nın qapıçısı ağır xəstəliyə tutulub