Zəngəzur mis-molibden kombinatı bir həftə ərzində gündəlik təxminən 400 milyon dram (1 milyon dollardan bir qədər çox), dövlət isə vergi daxilolmaları şəklində gündəlik 100 milyon dramdan çox zərər çəkib.

“Report” Ermənistan KİV-ə istinadən xəbər verir ki, bu barədə kombinat məlumat yayıb.

"Bir qrup işçi və kənar şəxslərin şirkətin normal fəaliyyətinə qanunsuz müdaxiləsi nəticəsində müəssisə gündəlik təxminən 400 milyon dram, dövlət isə təkcə vergilər şəklində gündə 100 milyon dramdan çox zərər çəkib. Şirkətin minlərlə işçisi çətin vəziyyətə düşüb. Gözləyirik ki, qanun pozucuları qanunla nəzərdə tutulmuş məsuliyyətə cəlb olunacaqlar", - kombinatdan bildirilib.

Zəngəzur mis-molibden kombinatının əməkdaşları artıq bir həftəyə yaxındır ki, əmək haqqının artırılması və əmək şəraitinin yaxşılaşdırılmasını tələb edərək tətil keçirirlər. Kombinatın rəhbərliyi və həmkarlar ittifaqı bu hərəkətləri qanunsuz, irəli sürülən tələbləri isə qeyri-real adlandırıb. Etirazlara müəssisə ilə əlaqəsi olmayan şəxslər də qoşulub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Ermənistanda tətil edənlər maaşlarının artırılması üçün komissiya yaradacaq

Klassik avtomobillərin yürüşü və sərgisi keçirilib