Türk Dövlətləri Təşkilatlarına (TDT) üzv ölkələr arasında ticarət məhdudiyyətləri aradan qaldırılmalıdır.

"Report" xəbər verir ki, bunu Türk Ticarət və Sənaye Palataları Birliyinin (TCCI) Fəxri Prezidenti Mustafa Rıfat Hısarcıkoğlu Bakıda keçirilən “Türk İnvestisiya Fondu və Türk Ticarət və Sənaye Palataları Birliyi (TCCI): Biznes Liderləri üçün Məlumatlandırma Görüşü və B2B” adlı tədbirdə bildirib.

Onun sözlərinə görə, bu, ölkələr arasında ticari-iqtisadi əlaqələri inkişaf etdirəcək: "Hazırda bu istiqamətdə ölkələr iş görür. Lakin bu prosesi sürətli aparmalıyıq ki, ticarətimiz inkişaf etsin. Transxəzər keçidlərini daha yaxşı istifadə etməliyik, TANAP-ın potensialını daha da artırmalıyıq, Türkmənistan təbii qazının Avropaya ötürülməsi bizim üçün prioritet mövzular olmalıdır",- deyə o qeyd edib.

M.R.Hısarcıkoğlu əlavə edib ki, türkdilli dövlətlər təhsil sistemlərini sahibkarlığa uyğunlaşdırmalıdır: "Startapları, blokçeyn layihələrini dəstəkləməliyik".

Oxşar xəbərlər

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Klassik avtomobillərin yürüşü və sərgisi keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2