Fransa və Almaniya da daxil olmaqla, bir sıra Avropa İttifaqı ölkələri Rusiyanın dondurulmuş aktivlərinin Kiyevə verilməsinə qarşı çıxıb. Onlar belə bir addımın bloka xarici investisiyalar baxımından mənfi təsir edəcəyindən narahatdır.

Far.Az xəbər verir ki, bu barədə "Politico" qəzeti yazıb.

"Rusiyanın dondurulmuş aktivlərinin Ukraynaya verilməsinə qarşı çıxan düşərgəyə böyük oyunçular – Fransa, Almaniya, İtaliya, İspaniya və Avropa Komissiyasının sədri Ursula fon der Lyayen daxildir", – deyə nəşrin məlumatında qeyd olunur.

Qəzetin yazdığına görə, bu ölkələr hesab edirlər ki, həmin vəsaitlərin müsadirə edilməsi Aİ-dən xarici investorları qorxuda bilər.

Bundan əlavə, adı açıqlanmayan Avropa diplomatı nəşrə bildirib ki, dondurulmuş Rusiya aktivlərindən istifadə məsələsi Ukrayna münaqişəsinin həlli üzrə danışıqlarda güzəşt vasitəsi kimi də istifadə edilə bilməz.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

"Fərdi jurnalist müsabiqəsi"nin nəticələri açıqlanıb