Rusiya Federasiyasının deputatı İlya Ponomaryov xüsusi hərbi əməliyyat zamanı "Qrad" yaylım atəşli reaktiv sisteminin zərbəsinə tuş gəlsə də, sağ qalıb.

BAKU.WS xəbər verir ki, bu barədə o, Ura.ru-ya danışıb.

Ponomaryov Soledar və Baxmut yaxınlığında döyüşlərdə iştirak edib, əvvəlcə kəşfiyyat qrupuna, daha sonra isə diversiya-kəşfiyyat birliyinə rəhbərlik edib. Üç gün davam edən mövqe hücumu zamanı hər iki çiynindən yaralanıb, əlindən ciddi zədələnib. Döyüş yoldaşları onu dincəlmək üçün bunkerdə yerləşdiriblər. 20 dəqiqə sonra sığınacaq düşmən atəşinə məruz qalıb.

"Elə həmin an əzildim və uzandım, birdən raket düz sığınacağımıza düşdü. Beton plitə ortadan qırıldı və üstümə düşərək məni torpağın altında qoydu. Yalnız parçalanmış əlim çöldə görünürdü", – deyə deputat xatırlayıb.

Döyüş yoldaşları onun öldüyünü düşünüb və ərazidən uzaqlaşıblar. Lakin Ponomaryov torpaq altında nəfəs darlığı ilə ayılıb və böyük çətinliklə dağıntılar arasından çıxaraq Rusiyanın mövqelərinə doğru sürünüb.

Rus əsgərləri əvvəlcə onun düşmən olduğunu düşünüb və atəş açmağa hazırlaşıblar. Lakin Ponomaryovu arafatkasından tanıyaraq silahlarını endiriblər. Hadisədən sonra onun qrupu itkilərə baxmayaraq daha 12 saat ərzində mövqeləri qoruyub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Azərbaycanda torpaqların bir kateqoriyadan digərinə keçirilməsi qaydaları təsdiqlənib

Hərbi cinayətlər törətməkdə təqsirləndirilən erməniəsilli şəxslərin məhkəməsi davam etdirilib - YENİLƏNİB