Fikrət Əmirov I Ümumrespublika Musiqi Festivalı çərçivəsində Azərbaycan Dövlət Akademik Opera və Balet Teatrının təqdimatında bəstəkarın "Min bir gecə" baleti təqdim olunub.

Tamaşada əsas rolları Yuliya Ferştandt (Şəhrizad), İlya Manayenkov (Şəhriyar), Liana Praga (Nuridə), Seymur Qədiyev (Nuridənin sevimli qulu) ifa ediblər.

Tamaşanın dirijoru Əməkdar artist Əyyub Quliyev, quruluşçu baletmeyster Əməkdar incəsənət xadimi Nailə Nəzirova, xormeyster Əməkdar incəsənət xadimi Sevil Hacıyevadır.

Qeyd edək ki, Fikrət Əmirovun məşhur ərəb nağılları əsasında yazdığı "Min bir gecə" baleti ilk dəfə 1979-cu ildə Bakıda Azərbaycan Dövlət Opera və Balet Teatrında tamaşaya qoyulub. Tamaşanın librettosu görkəmli Azərbaycan yazıçıları Maqsud və Rüstəm İbrahimbəyov qardaşları, bədii tərtibatı Xalq rəssamı Toğrul Nərimanbəyova məxsusdur.

Oxşar xəbərlər

“Min bir gecə” baleti Pekində nümayiş olunub

Azərbaycanda ilk dəfə "Nəsimi" operası tamaşaya qoyulacaq

Sankt-Peterburqda "İblis və..." tamaşasının premyerası keçirilib

Bu gün Azərbaycanda Milli Musiqi Günüdür

Talassemiyalı uşaqlarla bağlı məhkəmədə tanınmış həkimlərin prosesə çağırılması tələb olunub