Aprelin 15-i saat 09:00-a olan məlumata əsasən, Naxçıvan Muxtar Respublikası (MR) ərazisində yağıntılı hava şəraiti davam edib, bəzi dağlıq ərazilərdə qar yağıb.

Naxçıvan MR Ekologiya və Təbii Sərvətlər Nazirliyi Hidrometeorologiya Mərkəzindən BAKU.WS-ə verilən məlumata əsasən, Şahbuz rayonunun Batabat ərazisinə 8 sm, Kükü, Biçənək kəndlərinə isə 2 sm qar yağıb.

Muxtar respublika ərazisində müşahidə olunan qeyri-sabit hava şəraitinin aprel ayının 17-dək davam edəcəyi, bəzi yerlərdə yağış yağacağı şimşək çaxacağı gözlənilir.

Yağıntıların ayrı-ayrı yerlərdə intensiv olacağı, dolu düşəcəyi, dağlıq ərazilərdə qar yağacağı ehtimalı var. Qərb küləyi üstünlük təşkil edəcək, bəzi yerlərdə arabir 20 m/san-dək güclənəcək. Temperatur gecə 1-6° isti, gündüz 11-16° isti olacaq.

Oxşar xəbərlər

Bayram günlərində gözlənilən hava şəraiti açıqlanıb

Bayram günlərində gözlənilən hava proqnozu açıqlanıb

İstirahət günlərində milli parklarda gözlənilən hava şəraiti açıqlandı

Aprel ayında Bakıda hava 30 dərəcəyədək isti olacaq

Azərbaycanda aprel ayına olan hava proqnozu açıqlanıb