Misirdə məşhur turistik bölgədə hollandiyalı turist Cok Vanderbostun uzunqulağa qarşı zorakılıq edən şəxsə qarşı sərt müdaxiləsi sosial şəbəkələrdə geniş rezonans doğurub.

BAKU.WS sondakika-ya istinadən xəbər verir ki, hadisə Qahirə yaxınlığında qeydə alınıb. Görüntülərdə divara bağlanmış bir uzunqulağın dəfələrlə döyüldüyü, hadisəyə şahid olan 47 yaşlı Vanderbostun isə qəzəblə müdaxilə etdiyi əks olunub. Turist əvvəlcə zorakılıq edən şəxsi yumruqlayıb, daha sonra onu qamçı ilə təqib edərək hadisə yerindən uzaqlaşdırıb.

Görüntülərin yayılması Misirin turistik bölgələrində işçi heyvanlara qarşı pis rəftar hallarını bir daha gündəmə gətirib. Qahirədə baytarlıq klinikası idarə edən Vanderbost bildirib ki, bölgədə heyvanlara qarşı zorakılıq tez-tez rast gəlinən problemdir.

Hadisədən sonra eşşəyə işgəncə verən şəxs Vanderbostu polisə şikayət edərək, görüntülərin yayılmasının ona psixoloji zərər verdiyini iddia edib. Lakin qısamüddətli saxlanmadan sonra Vanderbost sərbəst buraxılıb. Misir Daxili İşlər Nazirliyi zorakılıq törədən şəxsin də saxlanıldığını açıqlayıb.

Vanderbost açıqlamasında, "Həbs olunmaq və ya deportasiya edilmək riskini bilirdim. Amma bu hadisə sayəsində nələrsə dəyişəcəksə, buna dəyər," – deyə qeyd edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib