Fransada prezident Emmanuel Makronun Parisdə baş tutan beynəlxalq görüş zamanı alçaldıldığı iddia olunub.

BAKU.WS xəbər verir ki, bu barədə Fransanın tanınmış siyasətçisi Florian Filippo "X" sosial şəbəkəsində (əvvəllər Twitter) paylaşım edib.

Siyasətçi bildirib ki, Makron üçün bu görüş "çox alçaldıcı" olub: "Əslində dünənki gün onun üçün çox rüsvayçı idi: Trampın iki nümayəndəsi Parisin mərkəzində ona sülh dərsi keçdi", – deyə Filippo vurğulayıb.

Xatırladaq ki, 17 aprel tarixində Fransada ABŞ, Böyük Britaniya, Fransa, Almaniya və Ukrayna nümayəndələrinin iştirakı ilə mühüm danışıqlar keçirilib. ABŞ dövlət katibi Marko Rubio bu görüşlərin nəticələri barədə Rusiyanın xarici işlər naziri Sergey Lavrovu məlumatlandırıb.

Rubio əlavə edib ki, bu təmaslar ABŞ və Rusiya arasında aparılan məsləhətləşmələrin bir hissəsi olaraq həyata keçirilib. O cümlədən, Rusiya prezidenti Vladimir Putinlə Donald Trampın Yaxın Şərq üzrə xüsusi elçisi Stiv Uitkof arasında Sankt-Peterburqda baş tutan sonuncu görüş də bu kontekstdə nəzərdən keçirilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xaosun bir addımlığında: ermənipərəst baş nazirin ardınca Makronun gedişi Fransanın xilası olacaq - ŞƏRH

Fransada böhran qapıda – Makronun Livan saxtakarlığı, cinsi azlıq, erməni siyasəti - ŞƏRH

Prezident İlham Əliyev XII Qlobal Bakı Forumunun açılış mərasimində çıxış edib