Bakıda məşhur restoranda yeyib-içdikdən sonra hesabı ödəmədən qaçan edən şəxslər saxlanılıb.

BAKU.WS qaynarinfo-ya istinadən xəbər verir ki, hadisə Suraxanı rayonu, Qaraçuxur qəsəbəsində yerləşən "Atilla" restoranında baş verib.

Belə ki, aprelin 12-dən 13-nə keçən gecə 2003-cü ildə Rusiyanın Kazan şəhərində anadan olmuş T.R. iki dostu ilə birlikdə sözügedən restorana gələrək oradakı kabinetlərdən birində yeyib-içiblər. Daha sonra T.R. hesabı ödəmədən, həmçinin restorana məxsus 180 manat dəyərində səsgücləndiricini gizlincə götürərək oradan qaçıb.

Onunla birlikdə restoranda olan dostları isə baş verənlərdən sonradan xəbərdar olduqlarını bildirərək restorandan xəbərsiz şəkildə ayrılıblar.

Restoran rəhbərliyinin şikayəti əsasında hər üç şəxs saxlanılıb. Onlardan yalnız T.R. barəsində İnzibati Xətalar Məcəlləsinin 227-ci maddəsi ilə protokol tərtib olunaraq iş məhkəməyə göndərilib.

Məhkəmədə T.R. özünü təqsirli bildiyini, hadisə zamanı sərxoş olduğunu və səsgücləndiricinin cibində olduğunu unutduğunu qeyd edib. O, 118 manatlıq restoran hesabını ödəmədən 180 manatlıq avadanlığı götürdüyünü və etdiyi əməldən peşman olduğunu bildirib. Həmçinin səsgücləndiricini geri qaytardığını da əlavə edib.

Məhkəmənin qərarı ilə T.R. İnzibati Xətalar Məcəlləsinin 227-ci maddəsi üzrə təqsirli bilinib və ona 160 saat ictimai iş cəzası verilib. O, cəza müddətində elektron qolbaqla nəzarətdə saxlanılacaq.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Dövlət qurumlarına məxsus nəqliyyat vasitələri satışa çıxarılır - SİYAHI

Küçədə cinsi əlaqəyə görə avtobus sürücüsünü öldürdülər - HƏSSAS GÖRÜNTÜLƏR

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2