Pekində robotlar insanlarla yarım marafonda iştirak etdilər – lakin uduzdular
Aprelin 19-da Çinin paytaxtı Pekində dünyada ilk dəfə olaraq robotlarla insanların birgə qatıldığı yarım marafon keçirilib. 21 kilometr məsafədə 21 humanoid robot 12 min insanla yarışıb.
BAKU.WS xəbər verir ki, "TechCrunch"un məlumatına görə, tədbir texnologiya mərkəzi E-Town-da təşkil olunub və Çinin robototexnika sahəsindəki nailiyyətlərinin nümayişinə çevrilib. Lakin hələlik robotlar insan sürətinə çatmaqdan uzaqdır.
Robotlar arasında qalib Pekin Humanoid Robot İnnovasiya Mərkəzinin hazırladığı "Tiangong Ultra" olub. O, məsafəni 2 saat 40 dəqiqəyə qət edib ki, bu da insan qalibin nəticəsindən iki dəfə zəifdir.
Yarışda "DroidUP" və "Noetix Robotics" şirkətlərinin də modelləri iştirak edib. Robotların boyu 76 santimetrdən 1,8 metrədək dəyişib. Bəziləri, o cümlədən Tiangong, insan qaçışını imitasiya edən alqoritmlərlə idarə olunub, lakin onlara batareya dəyişimi və yıxılmaların qarşısını almaq üçün müşayiətçilər lazım olub. Yarışda insidentsiz ötüşməyib: "Shennong" adlı robot hasara çırpılaraq sıradan çıxıb, "Little Giant" isə başından tüstü çıxmağa başladığı üçün dayanmalı olub. Cəmi dörd robot 4 saatlıq vaxt limitinə sığa bilib.
Qeyd edək ki, yarış əvvəlcə aprelin 13-nə təyin edilsə də, güclü yağış səbəbindən təxirə salınmışdı.
Oxşar xəbərlər
Yorğa atların respublika çempionatı və cıdır mövsümü ilə əlaqədar yarışlar keçirilib
Çində insanabənzər robotların təlimi üçün baza yaradılıb
Azərbaycan oktyabrda genişzolaqlı internetin orta sürətinə görə irəliləyib
Azərbaycan noyabrda genişzolaqlı internetin orta sürətinə görə irəliləyib
Azərbaycan ötən ay genişzolaqlı internetin orta sürətinə görə irəliləyib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitly" "X"də kiber hücumun fəsadlarını aradan qaldırmağa çalışır
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Ağstafada sursat partlayışı nəticəsində xəsarət alan şəxsin durumu açıqlanıb
-
Türkiyədə bir neçə ev yanıb, zərərçəkənlər var
-
Sabah Bakıda bu ərazilərdə su olmayacaq













