ABŞ prezidenti Donald Trampın hazırlanmış fərman layihəsi Dövlət Departamentində ciddi ixtisar və yenidənqurma aparmağı nəzərdə tutur.

Far.Az xəbər verir ki, bu barədə Bloomberg, sənədin surətinə istinadən xəbər yayıb.

Bildirilir ki, bu dəyişikliklər departamentin 1789-cu ildən bəri ən böyük islahatlarından biri ola bilər. Məlumata görə, 16 səhifəlik layihə ABŞ-nin bütün dünyadakı diplomatlarına göndərilib.

Fərmana əsasən, iqlim, qaçqınlar, demokratiya və Afrika məsələləri ilə məşğul olan onlarla şöbə və vəzifə ləğv olunacaq. BMT ilə əlaqələri təmin edən Beynəlxalq Təşkilatlarla İş üzrə Büro da bu siyahıya daxildir. Həmçinin, Kanadada aparılan diplomatik fəaliyyətlərin əhəmiyyətli dərəcədə azaldılması planlaşdırılır.

Yeni struktur çərçivəsində Dövlət Departamenti dörd regional büroya bölünəcək: Hind-Sakit okean regionu, Latın Amerikası, Yaxın Şərq və Avrasiya.

Səhraaltı Afrikada yerləşən bəzi "ikinci dərəcəli" səfirlik və konsulluqlar bağlanacaq. Bütün dəyişikliklərin 1 oktyabra qədər həyata keçirilməsi nəzərdə tutulur.

The New York Times da bu məlumatı təsdiqləyən xəbər yayıb.

Bununla belə, ABŞ-nin dövlət katibi Marko Rubio bazar günü yayılan xəbərləri "saxta xəbər" adlandırıb: "Bu, saxta xəbərdir. The New York Times növbəti dezinformasiyanın qurbanına çevrilib", – deyə o, X sosial şəbəkəsində yazıb.

Xatırladaq ki, bir qədər əvvəl Dövlət Departamenti Avropanı Ukrayna böhranına tezliklə həll tapmağa çağırmışdı.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Bakıda COP29-un Liderlər Sammitinin açılış mərasimi keçirilib - YENİLƏNİB-2

Səbinə Əliyeva: Mina problemi fundamental insan hüquqlarının kobudcasına pozulmasıdır