İspaniya və Portuqaliyanın böyük hissəsində elektrik enerjisinin kəsilməsi səbəbindən milli fövqəladə vəziyyət elan edilib.

Far.Az xarici mətbuata istinadən xəbər verir ki, İspaniyanın baş naziri Pedro Sançes dünən günorta saatlarında başlayan və səbəbi hələ də bilinməyən elektrik kəsilməsi zamanı ölkənin elektrik enerjisinə ehtiyacının 60 faizinin 5 saniyədə itdiyini bildirib.

İspaniya, Portuqaliya, Fransa və Belçika da daxil olmaqla bir çox Avropa ölkələrində elektrik enerjisi kəsilir. Svetoforun belə işləmədiyi İspaniyada qatar və metro xidmətləri dayanıb. İspaniyanın elektrik paylayıcı şirkəti Red Electrica vəziyyəti "tarixdə görünməmiş" kimi xarakterizə edir. 

Baş nazir Sançes paytaxt Madriddəki Baş nazirin iqamətgahında (Moncloa) keçirilən Milli Təhlükəsizlik Şurasının iclasından sonra ölkədə günorta saatlarından bəri yaşanan elektrik kəsilməsi ilə bağlı ikinci açıqlama verib.

"Ölkədə elektrik enerjisinin demək olar ki, 50 faizi bərpa edilib və bütün bölgələrdə təkmilləşdirmələr qeydə alınır", - Sançes bildirib.

"Normal vəziyyətə qayıtmaq üçün tam olaraq nə qədər vaxt lazım olacağı, enerji şirkətinin bizə dəqiq deyə bilməyəcəyi bir şeydir. Sistemin texniki olaraq sıfıra enməsi əvvəllər heç vaxt olmamışdı", - Sançes ölkəsinin normal vəziyyətə qayıtması ilə bağlı danışarkən deyib.

Sançes ölkəni sarsıdan fasilənin səbəbinin hələ müəyyən edilmədiyini və həm dövlətin, həm də özəl sektorun koordinasiyalı şəkildə işlədiyini bildirib.

Elektrik kəsilməsinin səbəbi ilə bağlı hər hansı bir ehtimalı istisna etmədiklərini təkrarlayan Sançes, bütün ehtimalların təhlil edildiyini qeyd edib.

Sançes ictimaiyyətin rahat olması lazım olduğunu və ölkədə heç bir təhlükəsizlik probleminin olmadığını və əlavə təhlükəsizlik qüvvələrinin növbətçi olduğunu vurğulayıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Avropa ölkələrində elektrik kollapsı - Milyonlarla insan işıqsız qaldı

Bakıda COP29-un Liderlər Sammitinin açılış mərasimi keçirilib - YENİLƏNİB-2