Alimlər insanın bioloji yaşını qiymətləndirmək üçün yeni üsul təklif ediblər
Far.Az xəbər saytı

Alimlər insanın bioloji yaşını qiymətləndirmək üçün yeni üsul təklif ediblər


Vaşinqton Universitetinin Tibb Məktəbinin alimləri insanın bioloji yaşını mövcud metodlardan daha dəqiq müəyyən etməyə imkan verən yeni üsul hazırlayıblar. Bu metod adi tibbi müayinələr və analizlər əsasında əldə edilən səkkiz göstəriciyə əsaslanır.

Far.Az xəbər verir ki, Health Octo Tool adlanan bu alət, orqanizmin ümumi vəziyyətini və qocalma sürətini yalnız diaqnozlarla deyil, orqan və sistemlərin sağlamlıq vəziyyəti ilə qiymətləndirir. Belə yanaşma əlillik və ölüm riskini daha dəqiq proqnozlaşdırmağa imkan verir.

Metodun əsasında "sağlamlıq entropiyası" konsepsiyası durur – yəni orqanizmdə toplanmış zədələrin orqan və sistemlərin fəaliyyətinə təsiri. Alimlər neçə orqan sisteminin xəstəliklərdən zərər gördüyünü əks etdirən bir şkala hazırlayıblar. Bu şkalaya əsaslanaraq bioloji yaş və insanın qocalma sürəti müəyyən edilir.

Tədqiqatçılar əvvəlcə "Baltimore Longitudinal Study on Aging" adlı uzunmüddətli yaşlanma tədqiqatının məlumatlarını təhlil edib, daha sonra bu modeli 45 mindən çox insanı əhatə edən iki böyük seçmədə də sınaqdan keçiriblər.

Yeni metod, həmçinin insanın gediş sürətinə və koqnitiv-fiziki məhdudiyyətlər riskinə qocalmanın təsirini əks etdirən xüsusi hesablamaları da nəzərə alır. Bu xüsusilə vacibdir, çünki bioloji yaş bəzən insanın zahiri vəziyyəti ilə üst-üstə düşmür.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev XII Qlobal Bakı Forumunun açılış mərasimində çıxış edib
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər