Bakıda burun əməliyyatından sonra komaya düşən Nəzrin Mansurlunun ölümü faktı üzrə başlanmış cinayət işi məhkəməyə göndərilib.

BAKU.WS apa-ya istinadən xəbər verir ki, bu barədə Nəsimi rayon prokurorluğunun məlumatında deyilir.

Qeyd olunub ki, cari il yanvarın 12-də 1995-ci il təvəllüdlü Nəzrin Mansurlunun rinoplastika əməliyyatından sonra vəziyyətinin kəskin ağırlaşması səbəbindən yerləşdirildiyi xəstəxanada ölməsi faktı üzrə Nəsimi rayon prokurorluğunda başlanmış cinayət işinin istintaqı tamamlanıb.

İstintaqla həkim-otorinolarinqoloq Sənan Mehdiyevin yanvarın 3-də Nəzrin Mansurlunun üzərində rinoseptoplastika cərrahi-əməliyyatını qüsurlu icra etməsi səbəbindən sonuncunun ölümünə səbəb olmasına əsaslı şübhələr müəyyən edilib.

Toplanmış sübutlar əsasında Sənan Mehdiyevə Cinayət Məcəlləsinin 314.2-ci (ehtiyatsızlıqdan zərərçəkmiş şəxsin ölümünə səbəb olan səhlənkarlıq) maddəsilə ittiham elan edilməklə cinayət işi baxılması üçün aidiyyəti üzrə rayon məhkəməsinə göndərilib.

Oxşar xəbərlər

Baş Prokurorluq həkim Sənan Mehdiyevin həbsi ilə bağlı məlumat yayıb

Salyanda 43 yaşlı kişi məktəbli qıza təcavüz etdi

Sənan Mehdiyevin həbs müddəti uzadıldı

Prezident İlham Əliyev Əfv Sərəncamı imzalayıb

Yeniyetmənin cərrahi əməliyyat zamanı ölümü ilə bağlı təqsirləndirilənlərin məhkəmələri başlayır