Meteoroloqlar yaxın beş ildə qlobal istiləşmənin davam edəcəyini gözləyirlər
Far.Az xəbər saytı

Meteoroloqlar yaxın beş ildə qlobal istiləşmənin davam edəcəyini gözləyirlər


Yaxın beş ildə qlobal temperatur artımının, böyük ehtimalla, Paris İqlim Sazişində nəzərdə tutulmuş iqlim istiləşməsinin 1,5 dərəcə Selsi ilə məhdudlaşdırılması hədəfini keçəcəyi gözlənilir.

Far.Az "Report"a istinadən xəbər verir ki, bu barədə "İnterfaks" Ümumdünya Meteorologiya Təşkilatının (ÜMT) hesabatına istinadən bildirib.

"70 % ehtimalla yaxın beş il ərzində (2025-2029-cu illər) orta istiləşmə göstəricisi 1,5 dərəcə Selsini keçəcək", – ekspertlər hesab edirlər.

Onların proqnozuna görə, yaxın beş ildən (2025-2029-cu illər) azı biri 80 % ehtimalla BMT-nin müşahidə tarixində ən isti il olacaq. Son məlumatlara görə, müşahidə tarixində ən isti il 2024-cü ildir.

Bundan başqa, yaxın beş ildə Arktikada qış aylarında (noyabrdan marta qədər) istiləşmə tempinin orta hesabla qlobal istiləşmə göstəricilərini 3,5 dəfədən çox üstələyəcəyi gözlənilir.

Həmçinin 1 % ehtimal var ki, həmin beş ildən azı birində qlobal temperatur artımı 2 dərəcəni keçəcək.

2015-ci il Paris Sazişinin iştirakçıları orta qlobal temperatur artımını 1,5 dərəcə ilə məhdudlaşdırmaq məqsədi qoyurlar.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Mart ayına olan hava proqnozu AÇIQLANDI
Mart ayında hava iqlim normasından yüksək olacaq
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Fevralda havanın orta aylıq temperaturu bəzi yerlərdə iqlim normasından yüksək olacaq - AYLIQ PROQNOZ

Ən son xəbərləri bizim

"Facebook" səhifəmizdə izləyin

Digər xəbərlər