Massaçusets Texnologiya İnstitutunun tədqiqatçıları müəyyən ediblər ki, ChatGPT kimi böyük dil modellərindən tez-tez istifadə tənqidi düşüncəni zəiflədə bilər.

Far.Az xarici KİV-ə istinadən xəbər verir ki, yeni araşdırmada tədqiqatçılar esse yazarkən iştirakçıların beyin fəaliyyətini izləyiblər.

Təcrübədə 54 könüllü iştirak edib və onlar üç qrupa bölünüb. Birincisi esseni köməksiz yazıb - yalnız öz bilikləri ilə, ikincisi "Google" axtarış sistemindən istifadə edib, üçüncüsü isə ChatGPT-nin köməyi ilə işini tamamlayıb. Bütün iştirakçılar hər seansda 20 dəqiqə xeyriyyəçilik mövzusunda esselər yazıblar, onların beyin fəaliyyəti isə EEG vasitəsilə qeydə alınıb.

Nəticələr göstərib ki, əlavə alətlər olmadan qrupda maksimum beyin fəaliyyəti müşahidə olunub, orta səviyyə axtarış sistemi istifadəçilərində, ən aşağı səviyyə isə ChatGPT-dən istifadə edərək yazanlarda müşahidə olunub. Bir neçə ay sonra təkrar sınaqdan keçirildikdə, əvvəllər ChatGPT-dən istifadə etmiş iştirakçılar "alətlərdən" istifadə etməyən qrupla müqayisədə yaddaş və sinir fəaliyyətinin azaldığını göstərdilər.

Bundan əlavə, sorğular ChatGPT istifadəçilərinin öz yazılarına daha az bağlı olduqlarını və onun məzmununu daha az yadda saxladıqlarını göstərib. Hesabatda və mətn təhlilində süni intellektə güvənən iştirakçılar daha pis çıxış ediblər. Müəlliflər xəbərdarlıq edir ki, süni intellekt yazı yazmağı asanlaşdıra bilsə də, onun tez-tez istifadəsi öyrənmə dərinliyini azaldır və tənqidi düşünmə bacarıqlarını zəiflədir.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2