ABŞ Prezidenti Donald Tramp gözlənilməz açıqlama ilə çıxış edərək İsrail və İran arasında hərbi qarşıdurmanın yaxın zamanda yenidən alovlana biləcəyini bildirib. Bu, hər iki tərəfin son döyüş əməliyyatlarından sonra yorğun və tükənmiş olmasına baxmayaraq baş verə bilər.

Far.Az TASS-a istinadən xəbər verir ki, NATO sammitindən sonra Haaqada keçirdiyi mətbuat konfransında Tramp belə deyib:

"Onlar hər ikisi yorğundurlar, tükəniblər. Onlar çox amansız və qətiyyətlə döyüşdülər. Nəticədə evlərinə çəkilməklə razılaşdılar. Amma bu yenidən başlaya bilərmi? Fikrimcə, bəli, bir gün mütləq. Bəlkə də yaxın vaxtlarda başlar."

Qeyd edək ki, bu bəyanatdan cəmi bir neçə dəqiqə öncə Tramp tam əks mövqe ifadə etmişdi:

"Bu, 12 günlük müharibə idi və biz düşünürük ki, sona çatıb. Mən inanmıram ki, onlar yenidən bir-birinə hücum edəcəklər. Mən belə düşünmürəm."

Xatırladaq ki, İsrail 13 iyuna keçən gecə İrana qarşı hərbi əməliyyata başlamışdı. Bundan bir sutka keçməmiş İran cavab zərbəsi endirmişdi. ABŞ isə münaqişəyə onun 9-cu günündə – 22 iyun gecəsi qoşularaq İranın üç nüvə obyektinə zərbə endirdi. 23 iyun axşamı isə İran Qətərdəki ABŞ-ın Yaxın Şərqdəki ən böyük hərbi bazası olan Əl-Udeydə raket zərbəsi endirdi.

Daha sonra Tramp, İsrail və İran arasında tam atəşkəs razılaşmasının əldə olunduğunu elan etmişdi.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2