Qırğızıstan Prezidenti Sadır Japarov kütləvi informasiya vasitələri və internetdə həqiqətə uyğun olmayan məlumatların yayılmasına görə cərimələr nəzərdə tutan qanunu imzalayıb.

BAKU.WS Milli.Az-a istinadən xəbər verir ki, bu qanun KİV və sosial şəbəkələrdə dezinformasiyanın qarşısını almağı hədəfləyir.

Sənəddə vətəndaşların və media qurumlarının yalan məlumat yayması halında cərimə və digər inzibati tədbirlərin tətbiq ediləcəyi qeyd olunub.

Qanun artıq rəsmi şəkildə qüvvəyə minib. Rəsmilər bunun informasiya təhlükəsizliyini gücləndirmək məqsədi daşıdığını bildirsələr də, hüquq müdafiəçiləri bu addımın söz və mətbuat azadlığına təzyiq vasitəsi kimi istifadə oluna biləcəyindən narahat olduqlarını ifadə ediblər.

Qeyd edək ki, son illərdə Mərkəzi Asiya ölkələrində rəqəmsal platformalara və media orqanlarına nəzarət gücləndirilir. Bu tendensiya beynəlxalq təşkilatların diqqətini çəkir və tənqidlərə səbəb olur.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4