Sosial şəbəkələrdə Sumqayıt şəhərində bir motosiklet sürücünün idarə etdiyi nəqliyyat vasitəsi ilə dövlət qeydiyyat nişanları olmadan təhlükəli manevrlər edərək yol hərəkəti qaydalarını kobud şəkildə pozduğuna dair görüntülər yayılıb.

DİN-in Mətbuat Xidmətinin əməkdaşı, polis leytenantı Elbrus İbrahimov BAKU.WS-ə bildirib ki, həmin görüntülər polis əməkdaşları tərəfindən araşdırılıb.

Sumqayıt Şəhər Polis İdarəsi Dövlət Yol Polisi Şöbəsinin əməkdaşları tərəfindən həyata keçirilən tədbirlərlə motoxuliqanlıq edərək digər hərəkət iştirakçılarına qəza şəraiti yaradan sürücü Abbasov Kamil Kamal oğlu müəyyən edilərək saxlanılıb.

Onun barəsində inzibati protokol tərtib olunub və məhkəmənin qərarı ilə sürücü K.Abbasov 15 sutka inzibati qaydada həbs edilib.

Oxşar xəbərlər

Bir sıra heyvan kəsimi və ət satışı məntəqələrində nöqsanlar aşkarlanıb

Prezident İlham Əliyev Əfv Sərəncamı imzalayıb

Bir qrup dövlət qulluqçusu təltif edilib - SƏRƏNCAM

Vəkilliyə qəbulla bağlı imtahanda uğur qazanan şəxslərin adları açıqlanıb

VII çağırış Milli Məclisin deputatları - SİYAHI