İsrail Müdafiə Qüvvələri (IDF) Suriyanın paytaxtı Dəməşqə hava zərbələri endirib. Zərbələr nəticəsində Suriya Silahlı Qüvvələrinin Baş Qərargah kompleksi hədəfə alınıb.

Bu barədə məlumatı İsrail ordusunun mətbuat xidməti təsdiqləyib.

İsrailin rəsmi açıqlamasında qeyd olunub ki, zərbələr siyasi rəhbərliyin göstərişlərinə əsasən həyata keçirilib və məqsəd rejimin cənub bölgəsində druz icmasına qarşı hərəkətlərinə cavab verməkdir.

Ordunun bəyanatına görə, İsrail Silahlı Qüvvələri bölgədəki vəziyyəti diqqətlə izləyir və müxtəlif ssenarilərə hazırdır.

Suriya mediası isə zərbələr nəticəsində iki mülki şəxsin xəsarət aldığını bildirib. Hadisədən əvvəl sosial şəbəkələrdə Dəməşq üzərində pilotsuz uçuş aparatlarının göründüyünə dair məlumatlar yayılıb.

Partlayışların konkret səbəbləri hələlik açıqlanmasa da, bu hücum İsrailin Suriya ərazisində son dövrlərdə həyata keçirdiyi ən ciddi hərbi addımlardan biri kimi dəyərləndirilir.

🚨 BREAKING: Massive explosions in Damascus as Israel strikes Syrian Army Headquarters — IDF
Reports also emerging of Israeli drone strikes on government security convoys in Sweida #Syria
pic.twitter.com/PQmnW6iRji

— Star Brief (@StarBrief) July 16, 2025

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Suriya: Gərginliklərin mərkəzi və beynəlxalq güc mübarizəsi - ANALİZ

Levon Mnatsakanyan: Minalar Ermənistanda istehsal olunub Qarabağa gətirilirdi - MƏHKƏMƏ

Vaxtilə işğalda olan Azərbaycan ərazilərinin "Ermənistana birləşdirilməsi" niyyəti məhkəmədə ifşa olunub