Azərbaycan Prezidentinin fərmanı ilə İpoteka və Kredit Zəmanət Fondunun nizamnamə kapitalı 85 milyon manat artırılaraq 1 milyard 153 milyon manata çatdırılıb. Sosial ipoteka kreditlərinin maliyyələşdirilməsi məqsədilə həyata keçirilən bu addımın mənzil bazarına təsiri isə gözlənilmir.

Far.Az-ə açıqlamasında iqtisadçı ekspert Xalid Kərimli bildirib ki, bu, sırf texniki xarakterli bir qərardır və qiymət artımı və ya bazarda dəyişiklik gözlənilmir:

"Bu vəsaitin ayrılması dövlət büdcəsi hesabına baş verir və məqsəd yalnız sosial ipoteka kreditlərinin verilməsidir. Yəni bu, güzəştli şərtlərlə – 4 faizə qədər kredit almaq hüququ olan əhali qruplarını əhatə edir. Amma bazar iştirakçıları üçün bu, əlavə resurs deyil, ona görə də evlərin qiymətinə birbaşa təsiri olmayacaq".

Ekspert qeyd edib ki, dövlət büdcəsindən fonda verilən vəsaitlər geri qaytarılmayan maliyyə dəstəyidir, bu da Fondun imkanlarını genişləndirməyə yönəlib.

Qeyd edək ki, bu günə qədər Fond tərəfindən 54 min 918 ipoteka krediti verilib, onların ümumi məbləği isə 3 milyard 560 milyon manatdan çoxdur.

Şahanə Xankişiyeva

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Ev almaq istəyənlərə ŞAD XƏBƏR: Kapital artırıldı

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib