Artıq 10 ildir ki, Bakı şəhərinin mərkəzi nöqtələri ilə Heydər Əliyev adına Beynəlxalq Hava Limanı arasında sərnişinlərin rahat və sürətli daşınmasını təmin edən H1 Ekspres marşrut xətti, şəhərin nəqliyyat infrastrukturunun mühüm hissəsini təşkil edir.

"BakuBus" MMC-nin istismarında olan bu xətt "28 May" və "Koroğlu" m/st  ilə Hava Limanının 1 və 2-ci terminallarını birləşdirir. Müasir standartlara cavab verən H1 Ekspres marşrut xətti 24 saat fasiləsiz olaraq   15 dəqiqəlik intervalla  fəalliyət göstərir.Səyahət müddəti təxminən 30 dəqiqə təşkil edir. Bundan əlavə, H1 Ekspres-in mərkəzi nöqtələrdə yerləşən dayanacaqları sərnişinlərin dəmir yolu, metrostansiyalar və avtovağzal kimi digər mühim nəqliyyat xidmətlərindən rahatlıqla istifadə etməsinə şərait yaradır.

Xətt üzrə xidmət göstərən "Neoplan" markalı müasir avtobuslar sərnişindaşıma üzrə beynəlxalq standartlara cavab verir.  Avtobuslar geniş baqaj imkanı, havalandırma və soyutma sistemi ,marşrut xətti və dayanacaq məlumatlarını əks etdirən monitorlar, Wi-Fi xidməti ilə təchiz edilib.

H1 xətti üzrə gediş haqqı 1.30 AZN təşkil edir. Ödənişlər BakıKart, eləcə də m10 və Birbank mobil tətbiqləri vasitəsilə həyata keçirilir. Hava limanında quraşdırılmış bilet satış terminalları sərnişinlərə rahat şəkildə "BakıKart" əldə etməyə və balansı artırmağa imkan yaradır.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Maşın qiymətinə olan telefon nömrələri satışa çıxarıldı - SİYAHI

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4