Türkiyədə vəhşicəsinə qətlə yetirilən Narin Güran cinayəti ilə bağlı həbs edilən üç nəfər azadlığa buraxıldı
Türkiyənin Diyarbəkir vilayətində vəhşicəsinə qətlə yetirilən səkkizyaşlı Narin Güranın məhkəmə işi ilə bağlı həbs edilən 3 nəfər azadlığa buraxılıb.
Bu barədə Far.Az "Haber Global"-a istinadən xəbər verir.
Məlumata görə, Diyarbəkir Bölgə Ədliyyə Məhkəməsinin 7-ci Cəza Dairəsi Narin Güran cinayəti işi ilə bağlı "Cinayətkarı ört-basdır etmə" ittihamı üzrə azadlıqdan məhrumetmə şəklində mühakimə olunan dayısının (xalasının, əmisinin, bibisinin) uşağı Birsen Güran, əmisi Fuat Güran və əmisinin arvadı Maşallah Güranın azadlığa buraxılmasına qərar verib.
Məhkəmə təqsirləndirilən şəxslərin həbsdə saxlanmasına ehtiyac olmadığını bildirib və qanuni prosedurlardan sonra onların sərbəst qalmalarına hökm verib.
Xatırladaq ki, 2024-cü il avqustun 21-də Diyarbəkirin Tavşantəpə kəndindəki Quran kursuna getdikdən sonra yoxa çıxan səkkiz yaşlı Narin Güranın cəsədi onun itkin düşməsindən 19 gün sonra Egertutmaz dərəsində çay yatağında, üstü daş və kol-kosla örtülmüş çuval içində tapılmışdı.
Ekspertiza uşağın ağız-burnunun qapadılması və boynuna təzyiq edilərək sıxılması nəticəsində oksigen çatışmazlığından dünyasını dəyişdiyini müəyyən edib. Diyarbəkir Respublika Baş Prokurorluğuna göndərilən hesabatda Narin Güranın yoxa çıxdığı gün, yəni avqustun 21-də öldüyü bildirilib. İstintaq nəticəsində cinayətin uşağın anası Yüksel Güran, qardaşı Enes Güran, avtomobilində Narinə aid DNT və tük nümunəsi tapılan əmisi Salim Güran tərəfindən törədildiyi məlum olub. Onlara və cəsədi çay yatağına daşıdığını etiraf edən qonşuları Nevzat Bahtiyara qarşı "mütəşəkkil cinayət törətmək" ittihamı ilə cinayət işi açılıb.
Məhkəmənin hökmü ilə mərhumun anası Yüksel, böyük qardaşı Enes, əmisi Səlim Güran və Nevzat Bəxtiyar "Uşağın qəsdən öldürülməsində iştirak" ittihamı ilə ağırlaşdırılmış ömürlük həbs cəzasına məhkum ediliblər.
Oxşar xəbərlər
Prezident İlham Əliyev Əfv Sərəncamı imzalayıb
Milli Məclisə seçkilərdə lider namizədlərin adları açıqlanıb - YENİLƏNİB
VII çağırış Milli Məclisin deputatları - SİYAHI
Qaradağlı faciəsi ilə bağlı sənədlər məhkəmədə tədqiq olunub
Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB
Ən son xəbərləri bizim
"Facebook" səhifəmizdə izləyin
Digər xəbərlər
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Rumıniyada güclü zəlzələ baş verib.
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
General Natiq Əliyevin qızı ilə bağlı qərar verildi
-
Paşinyan: Ümumi istifadədə olan çaylardan birgə yararlanmaq qaydalarının Azərbaycanla müzakirəsi vacibdir













