ABŞ-də tanınmış rəssam və televiziya aparıcısı Bob Rossun orijinal tabloları açıq hərraca çıxarılacaq. Satışdan əldə olunan gəlir ölkə üzrə ictimai televiziya kanallarına yönəldiləcək.

Far.Az trt haber-ə istinadən xəbər verir ki, hərracı "Bonhams" evi təşkil edir və Rossun 30 əsəri müxtəlif tarixlərdə satışa çıxarılacaq. İlk hərrac noyabrın 11-də keçiriləcək və burada rəssamın "Cliffside" (1990), "Winter"s Peace" (1993) və "Home in the Valley" (1993) adlı tabloları təqdim olunacaq. Əsərlərin ümumi satış dəyəri 850 min–1,4 milyon dollar aralığında qiymətləndirilir.

Bob Ross Inc.-in rəhbəri Joan Kovalski bildirib ki, bu təşəbbüs rəssamın "sənəti hər evə çatdırmaq" arzusuna davamlılıq qazandıracaq.

Qeyd edək ki, ABŞ Prezidenti Donald Tramp bu ilin mayında ictimai televiziya və radiolara dövlət dəstəyini dayandıran qərar imzalamışdı. Bu isə bir çox yerli media qurumlarını maliyyə çətinliyi ilə üz-üzə qoymuşdu.

Xatırladaq ki, Bob Ross 1983–1994-cü illərdə yayımlanan "The Joy of Painting" proqramı ilə milyonlarla insana rəssamlığı sevdirmişdi. Onun "xırda səhvlər yoxdur, sadəcə xoşbəxt təsadüflər var" ifadəsi bu gün də yaddaşlardadır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycanda borcluya üzərinə həbs qoyulan əmlakı satmaq üçün 2 ay möhlət veriləcək

Azərbaycanda borcluya üzərinə həbs qoyulan əmlakı satmaq üçün iki ay möhlət verilməsi təsdiqlənib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4