Fransa millisinin baş məşqçisi Didye Deşam komandanın kapitanı və hücumçusu Kilian Mbappenin yenidən topuq nahiyəsindən zədə aldığını açıqlayıb.

BAKU.WS xəbər verir ki, bu barədə məşqçinin sözlərini futbol jurnalisti Fabrisio Romano "X" sosial şəbəkəsində paylaşıb.

Zədə DÇ-2026-nın seçmə mərhələsi çərçivəsində Azərbaycan yığmasına qarşı keçirilən oyunda (3:0) baş verib. "Real Madrid"in hücumçusu görüşün 83-cü dəqiqəsində əvəzlənib.

"Mbappe eyni yerdən ikinci dəfə zədə alıb. O, istirahət etdikcə ağrılar azalır, amma matç zamanı rəqiblə təmas qaçılmazdır. Hazırda vəziyyəti qiymətləndiririk. Kilian narahatlıq hiss edir və bu, heç də xoş xəbər deyil", – Deşam bildirib.

Bundan başqa, ulduz futbolçu zədəsinə görə 2026-cı il futbol üzrə dünya çempionatının seçmə mərhələsində İslandiya yığmasına qarşı keçiriləcək qarşıdakı oyunda iştirak etməyəcək.

Qeyd edək ki, Fransa millisi həmin görüşdə Azərbaycan üzərində 3:0 hesablı qələbə qazanıb.

Oxşar xəbərlər

DÇ-2026 seçmə mərhələsi: Azərbaycan millisi Fransa yığmasına 0:3 hesabı ilə məğlub oldu

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Millinin bombardiri: Emin Mahmudovun 15 qolunun tarixçəsi

"Real Madrid" artıq Teylor Sviftin mahnısındadır: Yeni albomda böyük sürpriz

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib