Bakı, Azərbaycan - Bolt-un Azərbaycanda həyata keçirdiyi ilk sahibkarlıq sürətləndirici proqramı - "Bolt Accelerator" uğurla davam edir.

20 sentyabr tarixinədək davam edən müraciət mərhələsində proqram böyük maraq doğurdu - ümumilikdə 900-ə yaxın müraciət qəbul olundu. Onlardan 220 iştirakçı növbəti mərhələyə seçildi.

İlk təlim

25 sentyabrda isə proqram çərçivəsində ilk təlim baş tutdu. Təlimə təxminən 110 seçilmiş iştirakçı qatıldı. Sessiyanın mövzusu "Sahibkar kimi düşünmək və startapın qurulmasında amillər" idi. Təlimi sahibkarlıq və startap ekosistemində geniş təcrübəyə malik olan Vüsal Süleymanlı keçdi.

Növbəti mərhələlər

Ümumilikdə 8 təlim yekunlaşdıqdan sonra iştirakçılar mövzulara uyğun imtahanda iştirak edəcəklər. Uğurlu nəticə göstərən 20 iştirakçı isə növbəti mərhələdə individual mentorluq və təlimlərdən yararlanacaq. Proqramın sonunda keçiriləcək Demo Day-də həmin 20 iştirakçı öz ideyalarının təqdimatını edəcək.

Bolt Accelerator proqramı seçilmiş iştirakçılara sahibkarlığa başlamaq üçün zəruri bilikləri, bacarıqları və mentor dəstəyi təqdim edir. Seçim mərhələsindən keçən iştirakçılar qarşıdakı aylarda bir sıra təlim və mentorluq sessiyalarında iştirak edərək ideyalarını inkişaf etdirmək imkanı qazanacaqlar.

Bolt-un Azərbaycan üzrə Baş Əməliyyat Meneceri Ramil Məhərrəmov bildirib:

"Proqramın böyük maraqla qarşılanması bizi çox sevindirir. İlk təlimdə iştirakçıların enerjisi və ideyaları göstərir ki, bu təşəbbüs ölkəmizdə yeni sahibkarlıq hekayələrinin başlanğıc nöqtəsi olacaq."

Proqram SUP VC şirkəti ilə tərəfdaşlıq çərçivəsində həyata keçirilir və yekunda ən güclü ideyaların müəllifləri 36,500 AZN məbləğində mükafat fondu uğrunda mübarizə aparacaqlar.

Oxşar xəbərlər

Azercell Bərdədə yaşlılar üçün kibertəhlükəsizlik təlimi keçdi

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Mənsum İbrahimov bu universitetin "Fəxri Professor"u seçildi

20 Sentyabr - Neftçilər Günü münasibətilə tədbir keçirilib