Sabunçu rayonu, Bakıxanov qəsəbəsində dəhşətli qətl hadisəsi baş verib. Məlumata görə, 2024-cü il dekabrın 24-də 40 yaşlı Samir Əliyevin itkin düşməsi barədə yaxınları polisə müraciət ediblər. Daxili İşlər Nazirliyinin və prokurorluq əməkdaşlarının birgə keçirdikləri əməliyyat-istintaq tədbirləri nəticəsində müəyyən edilib ki, Samir Əliyev həyat yoldaşı, 39 yaşlı Elmira İbrahimova tərəfindən ov silahı ilə qətlə yetirilərək yaşadığı evin həyətində basdırılıb. Cəsəd çıxarılaraq aidiyyəti üzə təhvil verilib.

Mərhumun qohumu Hidayət Nağıyev bildirib ki, Samir Əliyev əvvəllər bir neçə dəfə Rusiyaya səfər etdiyindən, hər kəs onun yenidən həmin ölkəyə getdiyini düşünüb:

"Atası və anası Türkiyədə idi, ölkəyə qayıdanda Samiri axtarışa verdilər. O, kreditə saat götürmüşdü. Bank borc üçün yığanda yaxınları deyiblər ki, bu adam ötən ilin noyabrından yoxa çıxıb, amma bankdan bildiriblər ki, bu ilin mayında ödəniş olunub. Yəqin ödənişi iz itirmək üçün ediblər. Məncə, polislər kameralara baxıblar, kim ödəyib müəyyən ediblər və beləcə cinayətin üstü açılıb".

Hidayət Nağıyev əlavə edib ki, silah da mərhumla birlikdə basdırılıb:

"Oğlan idmançı idi, tək adamın işi deyil, yəqin ki, əlavə kimsə olub".

Qeyd edək ki, cinayət əməlini törətməkdə şübhəli bilinən Elmira İbrahimova saxlanılaraq istintaqa təhvil verilib.

Faktla bağlı başlanmış cinayət işi üzrə araşdırmalar davam etdirilir.

Daha ətraflı Baku TV-nin süjetində:

Oxşar xəbərlər

Əhmədin DƏHŞƏTLİ ETİRAFLARI: "Kimsə mənə deyirdi ki, ailə üzvlərimi öldürməliyəm"

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

45 illik səhnə həyatı və faciəli itki: İrəvan Teatrının qəhrəman aktyorları xatirələrini bölüşdülər