İran paytaxtı Tehranda içməli su ehtiyatları tükənmək üzrədir.

Far.Az xarici mediaya istinadən xəbər verir ki, İran dövlət mediasının məlumatına görə, şəhərin əsas su anbarı olan Əmir Kəbir bəndində hazırda cəmi 14 milyon kubmetr su qalıb.

Bu göstərici ötən il 86 milyon kubmetr olub.

Tehran Su İdarəsinin rəhbəri Behzad Parsa bildirib ki, mövcud ehtiyat paytaxtı cəmi iki həftə təmin edə bilər. O, "Sıfır gün" adlandırılan ssenarinin - yəni bəzi məhəllələrdə suyun tamamilə kəsilməsinin - yaxın zamanda reallığa çevrilə biləcəyini istisna etmir.

Rəsmilər bildirir ki, son illərin ən ciddi quraqlığı və yağışların azalması vəziyyəti daha da ağırlaşdırıb. Bəzi bəndlər demək olar ki, quruyub, elektrik enerjisinin kəsilməsi də adi hala çevrilib.

BMT ekspertləri hesab edirlər ki, İranın su böhranı yalnız təbiət hadisəsi deyil, həm də uzun illər davam edən səhv idarəetmənin nəticəsidir. Onların fikrincə, hökumət su israfının qarşısını almaq və infrastrukturda ciddi dəyişikliklər aparmaq üçün təcili tədbirlər görməlidir.

Prezident Məsud Pezeşkian vətəndaşlara müraciət edərək su istehlakını azı 20 faiz azaltmağı xahiş edib. Lakin mütəxəssislər xəbərdarlıq edir: əgər yaxın aylarda yağış yağmasa və qənaət tədbirləri gücləndirilməsə, Tehran "su iflası" ilə üzləşəcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev "Əl-Ərəbiyyə" telekanalına müsahibə verib

Bakının bu ərazilərində içməli su və kanalizasiya xətləri yenilənir