"Hər kəs yaxşı zabit, hərbçi ola bilər, amma qəhrəman ola bilməz. Qəhrəman olmaq üçün qəhrəman doğulmaq lazımdır".

Bu sözləri Baku TV-yə müsahibəsində Vətən müharibəsi iştirakçısı, kəşfiyyatçı, şəhid Anar Əliyevin həyat yoldaşı Vüsalə Əliyeva söyləyib.

O bildirib ki, Anar Əliyev Azərbaycanın ən peşəkar kəşfiyyatçılarından biri olub:

"Azərbaycanda üç peşəkar kəşfiyyatçı varsa, onlardan biri Anar Əliyev olub. O, beş il məxfi dəstənin komandiri olub və 2011-ci ildə "Vətən uğrunda" medalı ilə təltif edilib".

Vüsalə Əliyeva həyat yoldaşını hər zaman qürurla xatırladığını qeyd edib:

"Anar şəhid olandan sonra onu öz həyat yoldaşım kimi yox, Azərbaycanın Qəhrəmanı olaraq tanımağa başladım. Onu bu adla yaşadıram və tanıdıram. Anar mənim üçün mükəmməl bir insan olub. Mən tək yoldaşımı yox, ən yaxın dostumu, ata, qardaş əvəzimi itirdim. Cismi bu dünyada olmasa da, ruhumda onu hər zaman yaşadacağam. Mənim üçün Anarın yoxluğu ayrılıq deyil, öləcəyim gün ona qovuşacağım tarix olacaq".

Daha ətraflı Baku Tv-nin videomaterialında:

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Leyla Əliyeva Qəbələdə "Gənc arıçı" layihəsinin iştirakçısı ilə görüşüb

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib