Əfqanıstan hakimiyyəti sərhəddəki keçid məntəqələrinin daimi olaraq bağlanmasına cavab olaraq Pakistandan dərman preparatlarının idxalını qadağan edib.

Far.Az xəbər verir ki, Bu barədə "Alemarah" portalı məlumat yayıb.

Məlumatda deyilir ki, Əfqanıstan ticarət yollarının mütəmadi blokadasına cavab olaraq Pakistan istehsalı dərmanların ölkəyə idxalını qadağan edib və bu addımı ölkənin iqtisadi maraqlarını qorumaq tədbiri kimi qiymətləndirib.

Mənbənin məlumatına görə, artıq sifariş verilmiş Pakistan şirkətləri və podratçılarla hesablaşmaların tənzimlənməsi üçün üç aylıq müddət müəyyən olunub.

Qeyd olunur ki, bir müddət əvvəl Əfqanıstanın xarici işlər nazirinin müavini Məhəmməd Nəim bildirmişdi ki, Əfqanıstan və Pakistan nümayəndələrinin İstanbulda keçirdiyi danışıqlar uğursuzluqla nəticələnib.

Pakistan və Əfqanıstan arasında münasibətlər oktyabrın 9-dan 10-na keçən gecə Pakistanda hava qüvvələrinin Kabilin bir rayonu və Paktika əyalətindəki bazara hava zərbələri endirməsindən sonra daha da pisləşib. Həmin hücum nəticəsində Pakistan taliblərinin üç rəhbəri məhv edilib.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Sabirabad Sənaye Məhəlləsində toxum istehsalı müəssisəsinin fəaliyyəti ilə tanışlıq