Azərbaycandan Türkiyəyə yola düşən C-130 hərbi yük təyyarəsinin Gürcüstan-Azərbaycan sərhədində qəzaya uğraması nəticəsində şəhid olan Təyyarə Təmiri Qərargahının çavuşu, 37 yaşlı Əmrah Kuranın ölüm xəbəri Muğlanın Milas rayonundakı ata evinə çatıb.

BAKU.WS Türkiyə mətbuatına istinadən xəbər verir ki, şəhidlik xəbərini çatdıran əsgər "Osman əmi, sən artıq şəhid atasısan" deyib və bundan sonra baş verənlər ürəkləri dağlayıb.

Belə ki, hərbi nümayəndə heyəti Azərbaycandan Türkiyəyə qayıdan Təyyarə Təmiri Qərargahının çavuşu Əmrah Kuranın Muğlanın Milas rayonundakı ata evinə gəlib. Kuranın atası Osman Kuran və anası Hüriyyə Kurana onun şəhidliyi xəbər verilib.

Şəhidin ata evinin yerləşdiyi küçədə Türkiyə bayrağı asılıb. Qohumları və qonşuları başsağlığı vermək üçün şəhidin ata evinə axın etdilər.

Qeyd edək ki, şəhid, baş çavuş Emrah Kuran evli olub və onun üç övladı var.

Qalereya

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR

Silahlı Qüvvələrin bir qrup hərbi qulluqçu təltif edilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Türkiyə Milli Müdafiə Nazirliyi təyyarə qəzasında 20 hərbçinin öldüyünü təsdiqləyib