Şahbuz rayonunda fəaliyyət göstərən "Batabat" restoranının əməkdaşları aylardır maaş ala bilmədiklərini söyləyirlər.

Müraciətlərinə baxılmadığını deyən şikayətçilər Naxçıvan şəhərinə gələrək etiraz ediblər.

"Həmin restoranda sürücü işləyirdim. 9 aydır ki, maaşımı ödəmirlər. Bununla bağlı aidiyyəti qurumlara da müraciət etmişik", - şikayətçilərdən biri söyləyib.

Digər bir vətəndaş isə belə deyib: "Nə vaxt maaşımı istəsəm, yalandan "ödəyəcəyik" deyirlər. Üç uşağım var, onları necə saxlayım?!"

Sözügedən restoranın rəhbəri Ayxan Möhbalıyev isə əməkdaşların maaşlarının bu ay ərzində ödəniləcəyini bildirib.

Qeyd edək ki, "Nəqşicahan Holdinq"in tərkibində fəaliyyət göstərən bu məkan sonralar Naxçıvan Muxtar Respublikasının Həmkarlar İttifaqları Şurasının balansına keçib. Artıq bir müddətdir ki, özəlləşdirilən "Batabat" MMC fəaliyyətini müstəqil şəkildə davam etdirir.

Ətraflı Baku TV-nin videomaterialında:

Oxşar xəbərlər

Azərbaycan Həmkarlar İttifaqları Konfederasiyasında Zəfər Gününə həsr olunmuş tədbir keçirilib

Azərbaycan Həmkarlar İttifaqları Konfederasiyasının sağlamlıq mərkəzləri ilə tanışlıq olub

Azərbaycan Həmkarlar İttifaqları Konfederasiyası ilə ACTRAV arasında Bəyannamə imzalanıb

Qırğızıstan həmkarlar ittifaqlarının nümayəndələri Azərbaycan təcrübəsini öyrənmək üçün AHİK-də olublar

Növbəti köç karvanı Kəlbəcər şəhərinə çatıb