Rusiyanın Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidməti ("Roskomnadzor") "WhatsApp" messencerinə qarşı məhdudlaşdırıcı tədbirlər tətbiq edib və onu tam bloklamaqla hədələyib.

Far.Az xəbər verir ki, bu barədə qurumun açıqlamasında bildirilir.

Qeyd olunur ki, "WhatsApp" Rusiya qanunvericiliyinin tələblərini yerinə yetirmədiyi təqdirdə ölkə ərazisində tamamilə bloklana bilər.

Məlumata görə, xidmət ardıcıl şəkildə qanun pozuntularına yol verdiyi üçün məhdudiyyətlər tətbiq olunur. Söhbət internet-kommunikasiyalar sahəsində Rusiya qanunvericiliyinin tələblərinin yerinə yetirilməməsindən gedir.

Cümə günü Rəqəmsal İqtisadiyyatın İnkişafı Fondunun müşahidə şurasının rəhbəri German Klimenko bəyan edib ki, Rusiyada WhatsApp-ın bloklanması qaçılmazdır - bu, yaxın vaxtlarda da, bir ildən sonra da baş verə bilər.

Onun sözlərinə görə, messencer ən azı beş qanunu pozur və bloklanma üçün kifayət qədər əsas mövcuddur. O bildirib ki, WhatsApp-ın gələcək taleyi birbaşa rusiyalıların yerli MAX messencerinə nə qədər tez uyğunlaşacağından, onun nə dərəcədə rahat və effektiv olacağından asılıdır.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

27 Sentyabr - Anım Günü münasibətilə Azərbaycan Ordusunda silsilə tədbirlər keçirilib