Baku TV-nin "O vaxtlar" verilişinin budəfəki qəhrəmanı Şabran sakini Malik Həmidov olub.

Malik Həmidov ovaxtkı məktəb mühiti ilə indikini müqayisə edib:

"Əvvəllər məktəb direktoru kimi çalışmışam. O vaxtlar təhsil ocaqlarında vəziyyət tamam başqa idi. Uşaqlar da, böyüklər də müəllimə hörmət edirdilər. Şagirdin qulağını çəkəndə bunu evdə valideynlərinə demirdi. Çünki onlar da buna görə uşağı cəzalandırırdılar. Müəllim həm də şagirdin kefi olmayanda başına sığal çəkər, nəvaziş göstərərdi. İndi isə bunu səhv anlayıb "müəllim qızımın başına əl vurdu" deyirlər".

Şabran sakini, həmçinin o dövrün ailə dəyərlərindən bəhs edib:

"Keçmişdə ailələr daha möhkəm idi, boşanmalar az olurdu. Qızla oğlan arasında mübahisə yarananda böyüklər araya girər, onları barışdırardılar. Cavanlar da ağsaqqal-ağbirçək sözünü dinləyərdilər. Ailəni möhkəm saxlayan əsas dəyərlərdən biri hörmətdir. Gəlin evdə qayınana və qayınatasına hörmət göstərməlidir. Çətinliklər olanda dözmək lazımdır".

Ətraflı Baku TV-nin videomaterialında:

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Həyatda yaxşı şeyləri niyə görmürük? - Tanınmış simaların FİKİRLƏRİ

Xətai rayonunda Heydər Əliyev Fondu tərəfindən yeni məktəb binası istifadəyə verilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2