Dünyanın bir sıra ölkəsində gender balansı ciddi şəkildə pozulub və qadınların sayı kişiləri üstələyib. Birləşmiş Millətlər Təşkilatının (BMT) demoqrafik statistikasına görə, bu tendensiya xüsusilə Avropa və Latın Amerikası regionlarında daha qabarıq şəkildə müşahidə olunur.

BAKU.WS xəbər verir ki, məlumata əsasən, kişi qıtlığının ən çox yaşandığı ölkə Latviya hesab olunur. Bu ölkədə hər 100 qadına 84 kişi düşür. Litva, Ukrayna və Rusiya da oxşar siyahıda ön sıralarda yer alır.

Mütəxəssislər bunu müharibələr, yüksək ölüm nisbəti, alkoqol və siqaret istehlakı, həmçinin sağlamlıq xidmətlərinə gec müraciət kimi faktorlarla izah edirlər.

Ən diqqətçəkən faktorlardan biri də yaşlı əhali arasında gender fərqinin kəskin olmasıdır. Məsələn, Almaniyada gənclər arasında nisbət taraz olsa da, yaş artdıqca qadınların sayında nəzərəçarpan üstünlük yaranır.

Kişi qıtlığı yaşanan başlıca ölkələr:

-Latviya

-Litva

-Ukrayna

-Rusiya

-Belarus

-Portuqaliya

-Ermənistan

-Estoniya

-Almaniya

-Braziliya

Demoqraflar qeyd edirlər ki, əhali strukturunda gender fərqinin artması cəmiyyətin sosial həyatına da təsir göstərir. Bu, ailə qurmaq istəyənlər arasında balanssızlıq yaradır, nikah nisbətlərini aşağı salır, bəzi ölkələrdə isə dövlətin ailə və doğum təşviqlərini artırmasına səbəb olur.

Ekspertlər hesab edir ki, gələcəkdə daha çox ölkə bu problemlə üzləşə bilər. Xüsusilə inkişaf etmiş ölkələrdə doğum səviyyəsinin azalması və orta ömür uzunluğunun artması gender fərqini dərinləşdirə bilər.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İƏT Mədəniyyət Festivalı çərçivəsində Qadınların Yaradıcı Forumu keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ