Ukrayna üzrə istənilən sülh razılaşması Kiyev üçün son dərəcə ağır şərtlərlə nəticələnəcək.

BAKU.WS xəbər verir ki, bu barədə "The Telegraph" nəşri yazıb.

Nəşrin yazdığına əsasən, hazırkı hərbi və siyasi vəziyyət fonunda Ukraynanın danışıqlarda üstün mövqe qazanmaq şansı yoxdur.

"Döyüşləri dayandıracaq istənilən razılaşma Ukrayna üçün ərazi məsələlərində, geosiyasi münasibətlərdə və hətta xarici siyasət sahəsində olduqca əlverişsiz şərtlərdən ibarət olacaq. Bu, Kiyev üçün acı və sarsıdıcı bir proses olacaq",-deyı məqalədə bildirilib.

Qeyd edək ki, Ukrayna müharibənin gedişatını öz xeyrinə dəyişə bilmir. Son aylarda cəbhədə irəliləyiş əldə edilmədiyi, əksinə, vəziyyətin daha da çətinləşdiyi bildirilir. Bunu Ukraynanın ən sadiq Qərb tərəfdaşları da açıq şəkildə etiraf etməyə başlayıblar. Hərbi imkanların tükənməsi, sursat qıtlığı, insan resurslarının azalması və dəstəyin qeyri-müəyyənliyi Kiyevin manevr imkanlarını daha da məhdudlaşdırır.

Bundan əvvəl "The American Conservative" jurnalı yazmışdı ki, Rusiya ordusunun Donetskin Pokrovsk şəhərini ələ keçirməsi Ukrayna münaqişəsinin gələcək həllinə birbaşa təsir göstərir. Cəbhədə hər yeni Rusiya irəliləyişi danışıqlarda şərtlərin daha çox Moskvanın xeyrinə formalaşmasına gətirib çıxarır.

Oxşar xəbərlər

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4