Hökumətlər blokçeyn və rəqəmsal aktivlərin uğurlu tətbiqi üçün zəmin hazırlamalıdırlar.

"Report" xəbər verir ki, bunu Lixtenşteyn hökumətinin maliyyə innovasiyaları ofisinin direktor müavini Anjelika Layr Bakıda keçirilən "Chain Reaction 2024" forumu çərçivəsində təşkil edilmiş "Mədəniyyət olaraq innovasiyalar" adlı panel müzakirəsində bildirib.

"Bizim vəzifəmiz belə bir "meydan" yaratmaqdır. Biz elə bir zəmin hazırlamalıyıq ki, oyunçular bu "meydan"da sərbəst oynaya bilsinlər. Lixtenşteyndə biz məhz bunu etdik, söhbət blokçeyn və ümumilikdə rəqəmsal aktivlərdən gedir. İlk olaraq düşündük: bizə nə lazımdır? Birinci məsələ tənzimləmədir ki, bu da həm xeyir verə, həm də problem yarada bilər. Biz bazarı qaydalarla yükləməməyə çalışdıq. 2020-ci ildə biz blokçeyn və etibarlı xidmət təminatçıları haqqında qanunu qəbul etdik, bütün iştirakçılar üçün hüquqi baza və hüquqi müəyyənlik yaratdıq. İkinci addım bazarla əlaqə yaratmaq oldu. Biz hesab edirik ki, əhali və şirkətlərlə danışmaq vacibdir, çünki biz texnologiyaları və innovasiyaları başa düşməliyik ki, onları dövlət qərarlarına uyğunlaşdırmaq mümkün olsun", - deyə o qeyd edib.

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Gələn ay Azərbaycanda ilk innovasiya mərkəzləri yaradılacaq

Səfir: Qərb demokratiyası və parlamentarizm heç də ədalət və obyektivliyin sinonimi deyil - MÜSAHİBƏ

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB - 2