Böyük Britaniyanın ən məşhur aristokrat ailələrindən birinin nümayəndəsi, 12-ci Malboro hersoqu Çarlz Ceyms Spenser-Çörçill bir kişini qəsdən boğmaqda ittiham olunur.

"Far.Az"un xəbərinə görə, bu barədə "The Guardian" qəzeti Temza Vadisi Polisinə istinadən məlumat yayıb.

Qeyd olunur ki, 70 yaşlı kişi dekabrın 18-də Oksford magistratura Məhkəməsi qarşısına çıxmalıdır. Böyük Britaniyanın keçmiş Baş naziri Uinston Çörçillin əmisi oğlu (1874-1965) və şahzadə Diananın uzaq qohumu (1961-1997) olan aristokrat 2022-ci ilin noyabrından 2024-cü ilin mayına qədər Vudstok şəhərində (Oksfordşir qraflığı) eyni adamın üç dəfə boğulmasında ittiham olunur.

Spenser-Çörçil 2014-cü ildə Malboro hersoqu titulunu miras alıb. "The Guardian" qeyd edib ki, onun keçmişi narkotik problemləri ilə bağlı olub. Bu səbəbdən atası, Malboronun 11-ci hersoqu Con Spenser-Çörçill (1926-2014) məşhur ailə mülkü olan Blenheym Sarayının mülkiyyətini və idarəçiliyini Blenheym Sarayı İrsi Fonduna təhvil verib.

Oxşar xəbərlər

Prezident İlham Əliyev Əfv Sərəncamı imzalayıb

Silahlı Qüvvələrin bir qrup hərbi qulluqçu təltif edilib

Bir qrup dövlət qulluqçusu təltif edilib - SƏRƏNCAM

Media nümayəndələri təltif edilib - Prezidentdən SƏRƏNCAM

Bakıda tanınmış şirkət bahalı maşınlarını ucuz qiymətə satışa çıxardı - SİYAHI