ABŞ Prezidenti Donald Tramp Ermənistan və Azərbaycan arasında sülh prosesini dəstəklədiyini bildirib.

"Far.Az" xəbər verir ki, bu barədə Ermənistanın ABŞ-dəki səfirliyi məlumat yayıb.

Məlumata görə, Ağ Evdə ABŞ Prezidenti ilə xarici dövlətlərin yeni təyin olunmuş səfirlərinin görüşü keçirilib. Görüşdə Ermənistanın Vaşinqtondakı səfiri Narek Mkrtçyan da iştirak edib.

"Söhbət zamanı səfir Prezident Trampa Ermənistan və Azərbaycan arasında sülhlə bağlı səylərinə, həmçinin Ağ Evdə avqustun 8-i imzalanan tarixi saziş və sənədlərə görə təşəkkür edib", - məlumatda bildirilib.

Tramp səfirlə söhbət zamanı sülh prosesinə öz dəstəyini ifadə edib.

ABŞ Prezidenti həmçinin Ermənistanın Baş naziri Nikol Paşinyana Cənubi Qafqazda sülh prosesinin irəliləməsindəki səylərinə görə şəxsi avtoqrafı ilə hədiyyə göndərib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda Azərbaycan səhiyyəsi üçün önəmli tədbir keçirilib