Zəngilan rayonunda fəhlələr arasında baş verən mübahisə cinayətlə nəticələnib.

BAKU.WS Oxu.az-a istinadən xəbər verir ki, hadisə rayonun Ağalı kəndində baş verib.

Hadisə Zəngilanda fəaliyyət göstərən tikinti şirkətinin fəhlələri arasında baş verib. Şirkətin işçiləri olan Sədi, Allahyar, Nicat, Səid və Kamal adlı şəxslər bir otaqda kirayədə qalıblar.

Bir müddət əvvəl onlar qaldıqları otaqda çörək yeyib, spirtli içki qəbul ediblər. Sərxoş vəziyyətdə olan Sədi və Nicat arasında mübahisə yaranıb və onlar söhbət etmək üçün otaqdan çölə çıxıblar.

Bu vaxt Kamal və Allahyar da onların arxasınca çıxıblar və mübahisə böyüyüb. Mübahisə zamanı Allahyar otaqda olan yanğınsöndürən balonla Nicatın başına zərbə endirib. Nəticədə Nicatın başı yarılıb. Allahyar daha sonra Nicatı döyüb.

Nicat xəstəxanaya gətirilib və onun baş nahiyəsinə altı tikiş vurulub.

Hadisə yerinə polis əməkdaşları gəliblər və Allahyar saxlanılıb.

Faktla bağlı cinayət işi başlanılıb və iş məhkəməyə göndərilib. Məhkəmənin hökmü ilə Allahyar 4 il 6 ay müddətinə azadlıqdan məhrum edilib.

Oxşar xəbərlər

İlham Əliyev Zəngilanda ilk yaşayış kompleksinə köçən ailələrlə görüşüb

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Ağalı və Məmmədbəyli kəndlərində Novruz festivalı və sərgi-satış yarmarkası keçirilib

İlham Əliyev Zəngilanda inşa olunmuş ilk yaşayış kompleksinin açılışında iştirak edib