Yeni il tətilindən sonra əksər insanlar çəki almalarından şikayətlənirlər.

Bayram günlərində ən çox yol verdiyimiz səhvlərdən biri həddindən artıq yeməkdir. Orqanizm birdən-birə normadan artıq kalori qəbul etdikdə piy ehtiyatını artırır.

Bəs bayram günlərində və bayramdan sonra nələrə diqqət etməliyik?

Diyetoloq Ləman Süleymanovanın sözlərinə görə, səhər erkən durmaq və günü su ilə açmaq vacibdir:

"Səhər menyusunda meyvə və tərəvəzə üstünlük vermək tövsiyə olunur. Təbii bitki lifləri gün ərzində qəbul edilən qidaların həzmini sürətləndirir. Bayram günlərində günorta yeməyini qəbul edib, axşam yeməyindən isə imtina etmək məsləhətdir".

Diyetoloqlar bildirirlər ki, bayram günlərində evdə qalmaq və normadan çox yatmaq da artıq çəki almağımıza şərait yaradır.

Mütəxəssislər qidaların qarışdırılması, artıq miqdarda qəbulu və alkoqoldan istifadənin mədə-bağırsaq problemlərinə də səbəb olduğunu bildirirlər. Buna görə də bayram süfrəsində düzgün seçim və qida balansının qorunması tövsiyə olunur.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Şəkidə ilk dəfə "Sağlamlıq Günləri" keçirilir

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

20 Sentyabr - Neftçilər Günü münasibətilə tədbir keçirilib

Dörd qadını yatağa saldı, pullarını aldı, onları videoya çəkdi