2026-cı ilin gəlişi ilə Azərbaycanın bir çox bölgələrinə, xüsusilə də şimal və şimal qərb zonasına güclü qar yağdı. Adi vətəndaşlar kimi məşhurlar da bu fürsəti əldən verməyərək Yeni il tətilini keçirmək üçün bölgələrə axın etdilər. Onların sosial şəbəkə hesabları qar sevincli foto və videolarla aşıb-daşır. Bəs görəsən, kim harada və necə istirahət edir?

Far.Az sözügedən paylaşımları təqdim edir:

Müğənni Günel Məhərrəmova qar sevincini Qəbələ rayonunun qarlı dağlarında yaşayır. O, qış tətilini burada keçirir.

Xalq artisti Yusif Eyvazov dincəlmək üçün Şuşaya yollanıb. O, şəxsi instaqram hesabında qarlı hava çəkilən fotolarını paylaşıb.

Qış istirahətini qarlı bölgələrdən birində keçirən daha bir məşhur isə aktrisa Zarina Qurbanovadır. O, dincəldiyi turizm mərkəzindən olan görüntüləri sosial şəbəkə izləyiciləri ilə bölüşüb.

Müğənni Orxan Babazadə də həmkarları kimi qış tətilinə yollanıb. O hazırda ailəsi ilə birlikdə istirahət edir. İfaçı qızı ilə qarda çəkilən fotolarını sosial şəbəkə izləyiciləri ilə bölüşüb.

Müğənni Gülay Zeynallı qış istirahətinə qızı Sahilə ilə birlikdə yollanıb. Sənətçi Yeni ilin ilk günlərini qarı çox olan bölgələrimizdən birində keçirir.

Aparıcı Aytəkin Mərdanova qış tətili üçün Qəbələyə yollanıb. O, bu barədə sosial şəbəkədə bildirib. Aparıcı dincəldiyi qış turizm mərkəzindən olan şəkilləri sosial şəbəkə izləyiciləri ilə bölüşüb.

Aktrisa Ülviyyə Xəlilbəyli qış tətilini bölgələrdən birində keçirir. O, bu barədə şəxsi instaqram hesabında qeyd edib. Xəlilbəyli olduğu yerdən müxtəlif fotolar paylaşıb.

Məşhur idmançı Kamil Zeynallı isə istirahətini Qəbələdə təşkil edib. O, qarlı havada lentə alınan fotolarını sosial şəbəkədə izləyiciləri ilə bölüşüb.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Məşhurlardan 29 Oktyabr – Cümhuriyyət bayramı PAYLAŞIMLARI

Qış turizm mövsümü öncəsi daxili turizm imkanları nümayiş etdirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4