Nazirlər Kabineti “Liman infrastrukturunun dövlət mülkiyyətində olan obyektinin müsabiqə əsasında icarəyə verilməsi Qaydası”nı təsdiq edib.

"Far.Az"un xəbərinə görə, bununla bağlı Baş nazir Əli Əsədov müvafiq qərarlar imzalayıb.

Qərara əsasən, Qayda “Dəniz limanları haqqında” qanuna uyğun hazırlanıb və dəniz limanı infrastrukturunun dövlət mülkiyyətində olan obyektinin müsabiqə əsasında icarəyə verilməsi qaydasını müəyyən edir.

Qaydada liman infrastrukturunun dövlət mülkiyyətində olan obyekti dedikdə dövlət mülkiyyətində olan əmlaklar nəzərdə tutulur.

Obyektin müsabiqə əsasında icarəyə verilməsini icarə müqaviləsi bağlanılmaqla İqtisadiyyat Nazirliyi yanında Əmlak Məsələləri Dövlət Xidməti həyata keçirir və icarəyəverən qismində çıxış edir.

Obyektin müsabiqə əsasında icarəyə verilməsi zamanı bu Qaydanın tələblərinə cavab verən fiziki və hüquqi şəxslər icarəçi kimi çıxış edə bilərlər.

Dövlət Xidməti öz rəsmi internet informasiya ehtiyatında müsabiqə əsasında icarəyə verilən obyekt barədə elan yerləşdirir.

Müsabiqə əsasında icarəyə verilən obyektdən istifadəyə görə aylıq start icarə haqqının məbləği Qanuna və “Qiymətləndirmə fəaliyyəti haqqında” qanuna uyğun olaraq müəyyən edilir.

Oxşar xəbərlər

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

İtaliyanın Baş naziri Prezident İlham Əliyevlə görüşüb - YENİLƏNİB-2

Azərbaycanda vergi orqanlarının vəzifəli şəxslərinin həvəsləndirmə qaydası müəyyən edilib

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Azad edilmiş ərazilərin bərpası: xarabalıqdan dirçəlişə doğru - Təhlil