Ərdoğan və Paşinyan iki ölkə arasında münasibətlərin nizamlanmasını irəlilətmək niyyətindədirlər - Yenilənib
Far.Az xəbər saytı

Ərdoğan və Paşinyan iki ölkə arasında münasibətlərin nizamlanmasını irəlilətmək niyyətindədirlər - Yenilənib


COP31 çərçivəsində Antalyada keçirilən Liderlər Sammitində Baş nazir Nikol Paşinyan və Türkiyə Prezidenti Rəcəb Tayyib Ərdoğan arasında görüş baş tutub.

"Far.Az" xəbər verir ki, bu barədə Ermənistan baş nazirinin dəftərxanası məlumat yayıb.

Məlumata görə, Ərdoğan Paşinyanın Antalyaya səfərini və Liderlər Sammitində iştirakını salamlayıb.

Qeyd olunub ki, həmsöhbətlər Ermənistan-Türkiyə münasibətlərinin nizamlanması prosesinə toxunub və onun irəli aparılmasının və məntiqi sonluğa çatdırılmasının vacibliyini vurğulayıblar. Bu baxımdan tərəflər keçirilmiş tədbirlərin və əldə olunmuş razılaşmaların, eləcə də ticari-iqtisadi əlaqələrin daha da stimullaşdırılmasının əhəmiyyətini vurğulayıblar.

Həmçinin regional proseslər ətrafında fikir mübadiləsi aparılıb. Paşinyan və Ərdoğan Ermənistanla Azərbaycan arasında sülhün bərqərar olmasının regional əməkdaşlığın inkişafına yeni təkan verdiyini qeyd ediblər. Kommunikasiyaların blokdan çıxarılması, o cümlədən TRIPP layihəsinin reallaşdırılmasına yönəlmiş addımlar məsələsinə də toxunulub.

Ermənistanın Baş naziri Nikol Paşinyan və Türkiyə Prezidenti Rəcəb Tayyib Ərdoğan Antalyada COP31 Liderlər Sammiti çərçivəsində görüş keçirirlər.

"Far.Az" Ermənistan mediasına istinadən xəbər verir ki, bu barədə bu ölkənin Baş nazirinin mətbuat katibi Melanya Arutyunyan məlumat verib.

Danışıqlarda Türkiyə tərəfindən, digər vəzifəli şəxslərlə yanaşı, milli kəşfiyyatın rəhbəri İbrahim Kalın da iştirak edir.

Danışıqların təfərrüatları hələ ki, açıqlanmır.

Oxşar xəbərlər

Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər - Yenilənib-4
İlham Əliyev COP31-in Liderlər Sammitində iştirak etmək üçün Antalyadakı Ekspo Mərkəzinə gəlib - Yenilənib-3
Şuşada Rəcəb Tayyib Ərdoğanın rəsmi qarşılanma mərasimi olub
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Ən son xəbərləri bizim

"Facebook" səhifəmizdə izləyin

Digər xəbərlər