Şəmkir rayonunda küçədə ictimai qaydanı pozan və söyüş söyən şəxs həbs olunub.

Far.Az Lent.az-a istinadla xəbər verir ki, hadisə rayonun Kür qəsəbəsində, mərkəzi küçələrdən birində baş verib.

58 yaşlı Aqil Kərəmov (ad və soyad şərtidir) spirtli içki almaq istəsə də, pulu çatmayıb. O, bundan əsəbiləşərək ictimai yerdə söyüş söyüb. Polis əməkdaşları ona yaxınlaşaraq irad bildirsələr də, Aqil hərəkətlərinə davam edib.

Nəticədə Aqil Kərəmov saxlanılıb və barəsində müvafiq maddə ilə inzibati protokol tərtib edilib.

Onun sözlərinə görə, 3-4 aydır spirtsiz dura bilmir. İçki tapa bilmədikdə isə insanları hədələyərək ona araq və ya digər spirtli içkilər almağı tələb edir. Aqil əməlindən peşman olduğunu deyib və məhkəmədən barəsində yüngül cəza verilməsini xahiş edib.

Şəmkir Rayon Məhkəməsi Aqil Kərəmov barəsində 15 gün müddətinə inzibati həbs cəzası tətbiq edib.

Oxşar xəbərlər

Bir sıra heyvan kəsimi və ət satışı məntəqələrində nöqsanlar aşkarlanıb

Beyləqanda spirtsiz içki istehsalı müəssisəsində yoxlama keçirilib

Abşeronda yerləşən kafelərdən birində saxta spirtli içkilər aşkarlanıb

Şəmkirdə mağazada 200-dən çox saxta araq aşkarlanıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2