Füzuli rayonunda kişi həyat yoldaşını oğurlayıb.

Far.Az oxu.az-a istinadən xəbər verir ki, hadisə rayonun Horadiz qəsəbəsində qeydə alınıb. Qəsəbə sakini, 1992-ci il təvəllüdlü Təbriz Baxışov (soyadı şərtidir) qəsəbə ərazisində bir xanımla tanış olub. Onlar bir-birilərini sevsələr də, Təbrizin valideynləri onların ailə qurmasına icazə verməyiblər.

Bir müddətdən sonra Təbriz qızı qaçırıb və valideynləri də əlacsız qalıb onların evlənmələrinə icazə veriblər. Cütlük rəsmi nikaha daxil olub. Amma problem bununla bitməyib. Qız hamilə olandan sonra öyrənib ki, Təbrizin başqa qadından 6 yaşlı övladı var. O bu barədə Təbrizə irad bildirəndə, kişi onu döyərək təhqir etməyə başlayıb. Qadın bu barədə valideynlərinə məlumat verib və evdən çıxaraq atasının evinə gedib.

Bir aydan sonra Təbriz qadının evə qayıtmasını tələb edib. Lakin gəlin və onun valideynləri buna etiraz ediblər. Hadisədən əsəbiləşən Təbriz evdən bıçaq götürərək qayınatasının evinə gedib. O, evə daxil olaraq bıçağı gəlinin boğazına dirəyərək, ölümlə hədələyib. Daha sonra o, qadını məcburi oğurlayaraq öz evinə gətirib.

Hadisə ilə bağlı qadının valideynləri polisə məlumat veriblər. Polis əməkdaşlarının tədbirləri ilə Təbriz saxlanılıb, gəlin isə azad edilərək valideynlərinə təhvil verilib.

Faktla bağlı cinayət işi başlanılıb və iş məhkəməyə göndərilib.

Lənkəran Ağır Cinayətlər Məhkəməsinin hökmü ilə T.Baxışov 9 il azadlıqdan məhrum edilib.

Oxşar xəbərlər

Horadiz–Cəbrayıl–Zəngilan–Ağbənd yolunun tikintisi 95 % icra olunub

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2